top of page

“Arsenal”da qeyri-adi qadağa: Arteta futbolçuların Fantasy Premier League seçimlərinə müdaxilə etdi

Фото автора: Ulvi Memmedzade
Ulvi Memmedzade
1 день назад
1 мин. чтения

Məsələnin gündəmə gəlməsinə səbəb “Arsenal”ın futbolçusu Xristos Tzolisin virtual futbol oyununda etdiyi seçim olub. Reuters-in məlumatına görə, futbolçu noyabr ayında “Liverpul”la səfər qarşılaşmasından əvvəl Fantasy komandasında özünü kapitan seçib.

Tzolis oktyabrın əvvəlindən budun arxa əzələsindəki zədə səbəbindən oynamırdı. Onun özünü virtual komandanın kapitanı təyin etməsi futbolçunun meydana qayıtmağa hazırlaşdığı barədə işarə kimi qəbul edilib. Həmin vaxt klub onun vəziyyətini hələ ictimaiyyətə açıqlamamışdı.


Arteta məxfiliyi qorumaq istəyir

Mətbuatın məlumatına əsasən, Arteta futbolçuların Fantasy komandalarında özlərini və komanda yoldaşlarını seçməsinə məhdudiyyət qoyub.

İspaniyalı mütəxəssis bildirib ki, futbolçuların heyət barədə məlumatları gizli saxlaması vacibdir. Onun sözlərinə görə, hətta övladları da oyunlardan əvvəl hansı futbolçuların meydana çıxacağını soruşurlar.

Baş məşqçi məxfiliyin komanda daxilində etimadla bağlı olduğunu vurğulayıb. O, bu cür məlumatların qorunması üçün tədbirlər görüləcəyini açıqlayıb. Jurnalistlərin həmin tədbirlərin artıq qüvvəyə minib-minmədiyi barədə sualına isə müsbət cavab verib. reuters.com


Reuters xatırladır ki, oktyabr ayında “Çelsi”də də oxşar vəziyyət yaranmışdı. Klub əməkdaşları ilə əlaqələndirilən Fantasy hesablarında hücumçu Joao Pedro heyətdən çıxarılmışdı. Daha sonra futbolçunun bud zədəsi səbəbindən oynaya bilməyəcəyi məlum olmuşdu.

Arsenalın baş məşqçisi Mikel Arteta və Fantasy Premier League ilə bağlı məxfilik qərarı

Комментарии

Оценка: 0 из 5 звезд.
Еще нет оценок

Добавить рейтинг
bottom of page