Liqa 1-in yayım coğrafiyası genişləndi: çempionat 215 ərazidə göstəriləcək
Fransa Peşəkar Futbol Liqasının media bölməsi olan LFP Media Liqa 1-in beynəlxalq auditoriyasını genişləndirmək məqsədilə bir sıra yeni yayım müqavilələri imzalayıb. Rəsmi məlumata görə, Fransa çempionatının 2026/2027 mövsümünün oyunları 215 ölkə və ərazidə izlənə biləcək. Yayım şəbəkəsinə 53 tərəfdaş daxildir və qarşılaşmalar ümumilikdə 44 dildə təqdim olunacaq. LFP
Liqa 1 Hindistan bazarında “JioStar”la əməkdaşlıq edəcək. “Reliance” və “The Walt Disney Company”nin media fəaliyyətlərinin birləşməsindən yaranan şirkət Hindistanın idman yayımı və rəqəmsal platformalar sahəsində aparıcı iştirakçılarından biridir. Razılaşmaya əsasən, hər turun azı dörd qarşılaşması “JioHotstar”da, seçilmiş oyunlar isə “Star Sports Network” kanallarında yayımlanacaq. LFP
İndoneziyada çempionatın bütün oyunlarının göstərilməsi hüququ “Emtek” qrupuna məxsus “Vidio” platformasına verilib. Böyük istifadəçi bazasına malik xidmət hər turda Liqa 1-in bütün qarşılaşmalarını yayımlayacaq. Böyük Britaniya və İrlandiyada isə “Sky” çempionatın oyunlarından hazırlanmış icmalları tamaşaçılara təqdim edəcək. Bu məzmun regionda mövcud olan “Ligue 1+” xidmətini tamamlayacaq. LFP
İspaniyada “DAZN” bütün mövsümün və hər turun bütün oyunlarının yayımçısı olacaq. Platforma əvvəlki mövsümün son iki turunu da göstərmişdi. Braziliyada “CazéTV” rəqəmsal yayımı davam etdirəcək, yeni yaradılan açıq idman kanalı “XSports” isə hər turdan üç matçı pulsuz televiziya vasitəsilə nümayiş etdirəcək. LFP
Liqa 1-in əvvəlki beynəlxalq tərəfdaşları da fəaliyyətlərini davam etdirirlər. Siyahıya Afrikanın müxtəlif ərazilərində “Canal+ International” və “SuperSport”, Yaxın Şərq və Şimali Afrikada “beIN SPORTS”, Çində CCTV və MIGU, Almaniya, Avstriya və İsveçrədə “DAZN”, Meksikada isə “FOX Sports” daxildir. LFP
LFP Media-nın açıqladığı statistikaya əsasən, Liqa 1-in beynəlxalq izləyici göstəricisi 2025/2026 mövsümündə 30 faiz yüksəlib. Yeni razılaşmalar Fransa çempionatının Avropadan kənardakı mövqeyini gücləndirməklə yanaşı, klubların və futbolçuların daha geniş auditoriyaya çatmasına imkan yaradır. LFP
Комментарии