“Qarabağ” 1000-ci çempionat oyununda qalib gəldi: Ağdam klubu “İmişli”ni məğlub etdi
Azərbaycan Premyer Liqasının VII turunda “Qarabağ” səfərdə “İmişli”ni 2:0 hesabı ilə məğlub edib. Yevlax şəhər stadionunda keçirilən qarşılaşma Ağdam təmsilçisi üçün xüsusi əhəmiyyət daşıyıb. Bu, klubun Azərbaycan çempionatlarında 1000-ci oyunu olub.
Qarşılaşmanın ilk hissəsində tərəflər hesabı aça bilməyiblər. Fasilədən sonra hücumlarını gücləndirən “Qarabağ” 59-cu dəqiqədə Aleksey Kaşukun qolu ilə önə keçib. Ukraynalı futbolçunun zərbəsi oyunda hesabı dəyişib.
Ağdam təmsilçisi görüşün sonlarında üstünlüyünü möhkəmləndirib. 88-ci dəqiqədə Jali Muaddib fərqlənərək hesabı 2:0-a çatdırıb. Bununla da “Qarabağ” səfər qarşılaşmasında qələbəsini rəsmiləşdirib. trend.az
Bu qələbə “Qarabağ”ın turnir cədvəlindəki mövqeyinə də təsir göstərib. Komanda xallarının sayını 16-ya yüksəldərək üçüncü pillədə qərarlaşıb. “İmişli” isə dörd xalla doqquzuncu yerdə qalıb.




Комментарии